Dúettinn BSÍ segist sérstaklega áhugasamur um umferðarmenningu. Það er óneitanlega óvenjulegur innblástur í tónlist en endurspeglast bæði í nafni sveitarinnar, sem vísar í hálfkæringi til Bifreiðastöðvar Íslands, og í drífandi, dáleiðandi trommuleik Sigurlaugar Thorarensen sem skipar hljómsveitina ásamt Julius Rothlaender. Þrátt fyrir fá tækifæri til að koma fram undanfarna mánuði hafa þau ekki setið auðum höndum í kófinu heldur borðað nammi og samið nóg af efni á nýja plötu sem bíður útgáfu.

BSÍ - Iceland Airwaves: Live from Reykjavík — Off-venue

gugusar , sem er listamannsnafn Guðlaugar Sóleyjar Höskuldsdóttur, vakti fyrst athygli á Músíktilraunum í fyrra þar sem hún var útnefnd „rafheili tilraunanna“. Hún er aðeins sextán ára og hefur aldrei haft meira að gera en í heimsfaraldrinum, enda er hún algjör nýgræðingur í tónlist eins og hún segir sjálf, og þekkir því varla annað. Guðlaug hefur lýst tónsmíðaferlinu sem leið til að loka heiminn úti og gleyma öllu stressi. Það er öfundsverður eiginleiki um þessar mundir og á tónleikum fá áheyrendur líka að gægjast inn í búbbluna um stundarsakir.

JóiPé & Króli sprungu út árið 2017 með háværum hvelli sem bergmálaði á öllum útvarpsstöðvum, næstum áður en þeir urðu til. Síðan hafa þeir komið út nærri fjörutíu lögum þar sem þeir hafa þróað einstaklega persónulegan poppheim með rætur í hipphoppi. Í vor gáfu þeir út plötuna Í miðjum kjarnorkuvetri – í miðjum heimsfaraldri – fjölbreytt, brotakennt og metnaðarfullt verk sem stimplar þetta geðþekka tvíeyki endanlega inn í íslenska tónlistarsögu.

Það eru fáir sem efast um að margir skemmtilegustu textar og flottustu grúv síðustu ára hafa verið sótt í bikar Moses Hightower. Sá er greinilega barmafullur eins og nýjasta plata þeirra, Lyftutónlist, vitnar um. Platan kom út um miðjan september en Moses Hightower hafa skiljanlega lítið náð að fylgja henni eftir. Fyrr en nú.

Eftir að hafa legið í dvala í heil átta ár gaf Sykur út þriðju plötu sína, JÁTAKK, í fyrra. Þau kynntu plötuna fyrst á Iceland Airwaves 2019 en hafa ekkert spilað síðan. Það var því sæt tilfinning þegar þau komu loks aftur saman til að flytja lagið „Lost Song“ – lag sem hafði verið týnt á hörðum diskum sveitarinnar í næstum fimmtán ár – og dulúðuga smellinn „Svefneyjar“.

BSÍ

Una Torfa

2022

Iceland Airwaves

Superserious

Hipsumhaps

KUSK x Óviti

Június Meyvant

RuGl

Herra Hnetusmjör

East of My Youth

Dj. flugvél og geimskip

GDRN

Kælan mikla

Between Mountains

Bríet

Árný Margrét

Young Karin

Birnir

Vök

Axel Flóvent

2021

Inspector Spacetime

JóiPé & Króli

Krassasig

Una Schram

Sykur

Huginn

Tómas Welding

Moses Hightower

gugusar

2018

Auður

Off-venue

2017

2014

2016

2015

2019

2020

Við viljum sinna samfélagslegu hlutverki okkar vel. Hluti af því er að styðja við bakið á ungu og efnilegu tónlistarfólki. Það er af nógu að taka og á þessum vef birtist einungis brot af bjartri framtíð íslenskrar tónlistar.

Iceland Airwaves hefur frá upphafi verið mikilvæg viðbót við íslenskt menningarlíf og ómetanlegur vettvangur fyrir íslenska tónlist. Við erum því stolt af því að vera meðal styrktaraðila hátíðarinnar.